江蕙( Jody ) 台灣民謠[三]海中花

1.海中花

茫茫大海 有時平靜 有時也會起風颱
滿天閃爍星光ㄟ圓 有時也會黑陰天
大海當中央有可愛ㄟ海中花 也有阮ㄟ情介意
阿~~ 但願好花百日紅咱二人成對成雙
共織美麗ㄟ夢 阿~~深情也重


2.五月花

紅燈綠燈照街巷，世間也有這款人；
十年恩愛甘願放，落海去做煙花人
啊 ～ 五月花‧可恨你一人

五月花蕊亂亂開，假情假愛的世界；
自嘆薄命無人知 薄情僥我不應該
啊 ～ 五月花‧可恨不可愛

做著歹田望後冬，娶到歹某歸世人；
女性若驚採花蜂，男性最怕奧花叢
啊 ～ 五月花‧恨你一世人


3.黃昏思鄉

千里遙遠城市 黃昏日頭紅支支

故鄉的山崙景緻不時在目墘

叫我想起離開彼時情難離

可愛笑微微 可愛笑微微

心愛的伴侶 乎我思念伊

春天百花照開 山崙鳥隻唸歌詩

心愛的彼個姑娘怎樣過日子

講要寫批乎我知影伊代誌

不知為什麼 不知為什麼

已經過一年 乎我思念伊

叫伊可愛名字 向著故鄉彼平天

只有是山坑一片回聲帶稀微

叫我心酸又擱感覺無元氣

黃昏山崙邊 黃昏山崙邊

孤單感傷悲 乎我思念伊


4.白牡丹

作詞：陳達儒
作曲：陳秋霖
演唱：胡美紅

白牡丹，笑呅呅，妖嬌.含蕊.等親君；
無憂愁，無怨恨，單守.花園.一枝春。
啊！單守.花園.一枝春。

白牡丹，白花蕊，春風.無來.花.無開；
無亂開，無亂美，不願旋枝.出牆圍。
啊！不願旋枝.出牆圍。

白牡丹，等君.挽，希望惜花.頭一層；
無嫌早，無嫌慢，甘願予君.插花瓶。
啊！甘願予君.插花瓶。


5.暗淡的月

作詞：葉俊麟
作曲：吳晉淮
演唱：洪榮宏

無論你怎樣妖嬌美麗
我已經不再對你癡迷
你的形影 你的一切
總是引起我心裡的怨嗟
不管春風怎樣吹 也是吹未失
我～我～我滿腹的恨火
啊～～今夜又是出了暗淡的月

無論你怎樣情意對待
我已經看破了你心內
你的虛情 你的假愛
總是枉費我純情的目屎
不管命運怎安排 已經抹未消
我～我～我綿綿的悲哀
啊～～今夜又是浸在苦惱的海


6.我有一句話

作詞：陳達儒
作曲：侯賜泉

我有一句話想要對你表明
我的心肝內為你相思抹清
若是欲求愛恐驚你肯也不肯
想你的人影不時在阮目睭前

我有一句話想要對你講起
想著真歹勢見面講天講地
若是老實講不知受氣無受氣
進退真兩難空思亂想到半暝

我有一句話想要對你參考
不知你心內即久感覺如何
若是有決心希望永久欲相好
請你講一句不免害阮憨憨慒


7.雪梅思君

演唱：愛愛
作曲：歌仔戲曲調~廈門調

正月算來春酒香 家家戶戶門聯紅
紅男綠女滿街巷 迎新正心輕鬆
只有雪梅心沉重 犧生青春好花欉
為君立誓不嫁尪 甘願來守節一世人
二月算來陳神雷 山前山後草青翠
好命有尪伴相隨 賞風景心花開
講起雪梅上克虧 每日怨嘆流珠淚
一片純情全枉費 無緣份甲君來做堆

三月算來是清明 人人掃墓上山頂
雪梅抱子到墓前 墓桌上排三牲
見景又來想舊情 傷心目屎流沒停
郎君那通即僥倖 害著阮孤單過一生
四月算來春天後 無寒無熱風透透
雪梅心肝亂抄抄 想郎君情意厚
目屎已經不願流 一心望子會出頭
較苦也要來等候 甘願來拖磨到年老

五月算來扒龍船 河邊人馬亂紛紛
雪梅有子無郎君 對誰人來議論
當做註定的命運 迫阮空過好青春
一生伴子守家門 忍耐著滿腹的苦悶
六月算來是半年 農村收冬喜沖天
只有雪梅暗傷悲 又寂寞又空虛
坐在床前想彼時 暗中唱著斷腸詩
希望子兒會成器 表明著對君的情義

七月算來日頭燒 看見後庭樹落葉
雪梅堅心像鐵石 守清節無動搖
日日思君開聲叫 夜夜夢中看會著
名聲第一愛保惜 不願給閒人來恥笑
八月算來是中秋 人人賞月心清幽
雪梅目屎條目睭 怨舊恨嘆心愁
站在窗前對月娘 誠心誠意來懇求
千辛萬苦願接受 給子兒將來有成就

九月算來是重陽 拜祭亡夫情意重
一拜想起君面容 心又酸斷肝腸
這世甲君命相沖 恨天怨地啥路用
雪梅對君來參詳 望後世會通結成雙
十月算來秋風寒 為子補衫穿針線
窗外鴻雁雙做伴 引起人心空彈
鴛鴦已經來拆散 不願擱來嘆孤單
看子一年一年大 怎拖磨心也真快活

十一月算來是冬節 手來搓圓心怨嗟
自嘆孤單子又細 目屎又滴落地
對子句句講訓話 勸伊認真來讀冊
管伊透風落霜雪 有立志成功無問題
十二月算來過年關 柴空米盡心焦煩
遵守婦道心沒亂 冷寒餓也甘願
雪梅心內有打算 教子做人要正端
為非做歹萬人怨 做好事名聲萬世傳


8.雙雁影

作詞：陳達儒
作曲：蘇桐

秋風吹來落葉聲 單身賞月出大庭
看到倒返雙雁影 傷心欲哮驚人聽

鴻雁哪會這自由 雙雙迎春又送秋
因何人生未親像 秋天那來阮憂愁

秋天月夜怨單身 歸眠思君未安眠
恨君到今未見面 不知為著什原因


9.港都夜雨

作詞：呂傳梓
作曲：楊三郎
編曲：詹凌駕／Keith

今夜又是風雨微微 異鄉的都市
路燈青青 照著水滴 引阮心悲意
青春男兒不知自己 要行叨位去
啊～漂流萬里 港都夜雨寂寞暝

想起當時惦在船邊 講甲糖蜜甜
真正稀微你我情意 煞來拆分離
不知何時會再相見 前情斷半字
啊～海風野味 港都夜雨落抹離

海風冷冷吹痛胸前 漂浪的旅行
為著女性費了半生 海面做家庭
我的心情為你犧牲 你那抹分明
啊～茫茫前程 港都夜雨那抹停


10.苦戀歌

明知失戀真艱苦 偏偏走入失戀路 真知燒酒抹解憂
偏偏飲酒來添愁 看人相親甲相愛 見景傷情流目屎
誰人會知阮心內 只有對花訴悲哀
明知女性真利害 偏偏乎伊騙嘸知 真知黑暗的世界
偏偏走對這路來 看見蝴蝶結相隨 放阮孤單尚克虧
親像花朵離花枝 何時才會成雙對
明知對我無真情 偏偏為伊來犧牲 真知對我無真愛
偏偏為伊流目屎 第一癡情就是阮 每日目屎做飯吞
欠伊花債也抹滿 今日才著受苦戀


11.日落西山

日落西山近黃昏，
心狂袂食急待君，
想要趕緊來接吻，
也好增加咱情份。
如意郎君啊！
最好正式來訂婚，
好事免驚袂招勻，
又是天長配地久，
也袂辜負阮青春。

日落西山黃昏起，
是阮好事相會時，
娘有多情哥有義，
祈願同心永同居。
如意郎君啊！
夜夜談情真歡喜，
情重如山話投機，
黃金雖然是寶物，
也袂贏咱糖蜜甜。

日落西山黃昏後，
怎樣未到阮娘兜，
恰久也著愛等候，
不敢誤君空回頭。
如意郎君啊！
所約著愛準時到，
免阮肝火動心頭，
一日經過一日老，
青春不通放水流。